Kva er ein barnekoordinator

Ein barnekoordinator kan hjelpe familien med å: 

• ha oversikt over og koordinere tenestene de og barnet har kontakt med.
• gi dykk informasjon og rettleiing om relevante helse- og omsorgstenester, slik at de enklare får oversikt over rettar og pliktar.
• gi informasjon om nødvendige velferdstenester og frivillige brukarorganisasjonar. 
• få tydeleg fram stemma til barnet slik at barnet sjølv fritt får formidle kva som blir opplevd som god og nyttig hjelp.
• sjå til at det er framdrift i arbeidet med individuell plan, dersom barnet har det.
• styrke det tverrfaglege samarbeidet ved mellom anna å delta i ansvarsgruppemøte.
• gi rettleiing slik at de kan medverke til avgjerder knytt til saka til barnet.

Korleis få tilbodet? 

Foreldre/føresette kan søke om barnekoordinator. Barnekoordinator kan innvilgast før fødsel. 

Søknadsskjema 

For å få barnekoordinator kan du sende inn dette skjema:

Søknadsskjema

Eller du kan ta kontakt med Tenestekontoret pr. tlf: 94158814.

Kva skjer vidare?

Når tildelinga er klar, vil barnekoordinator kontakte deg og du må fylle ut ei samtykkeerklæring. Koordineringa skal skje i samarbeid med foreldra og barnet, og tenesteapparatet skal leggje til rette for dette.

Lovgrunnlag

Retten til barnekoordinator er lovpålagt i helse- og omsorgstenestelova §7-2a. 
Plikta til å samarbeide mellom tenestene er i tillegg lovpålagd i mange lover: 

• Helse- og omsorgstjenesteloven § 3-4 og 7-2a 
• Barnevernloven § 3-2 og 3-2a 
• Pasient- og brukerrettighetsloven § 2-5c 
• Nav-loven §15 og §15a 
• Sosialtjenesteloven §13 
• Familievernkontorloven § 1a 
• Opplæringsloven  §4A-14 og § 15-8 
• Privatskoleloven §3-6a og 3-6 b 
• Spesialisthelsetjenesteloven §2-1e  § 2-5 og § 2-5a 
• Barnehageloven § 2b 
• Krisesenterloven § 4 
• Tannhelsetjenesteloven § 1-4a