Du får varsel om feiing på sms. Telefonnummeret meldinga blir sendt i frå er eit nummer på 14 siffer, og startar på 225801********. 

Når du mottek sms frå oss om feiing og tilsyn får du to valg; 

1. Tast 1 for å bekrefte tidspunkt
2. Tast 2 dersom oppsatt dag/time ikkje passar. Du må då sjølv kontakte brannførebyggaren og avtale ny dag/tid.

Ikkje skriv punktum eller noko anna bak talet, kun talet 1 eller 2. Skriv du noko anna blir meldinga ugyldig. 

Når du har sendt inn svaret får du ei ny melding med helsing frå brannførebyggaren om at svaret ditt er registrert. 

• Luker, ventilar og spjeld skal vere stengde, slik at det ikkje kjem sot og støv inn i bustaden
• Eldstad skal vere sløkt, og pipa skal vere kald
• Sotluka skal vere tilgjengeleg for kontroll og tømming av sot
• Tilkomststige treng ikkje å stå oppreist, men skal vere lett tilgjengeleg der feiaren naturleg skal opp på taket

Som eit utgangspunkt for trygg tilkomst skal huseigar følgje opp dette:

• På tak der det er helling utover skal det normalt vere fastmontert takstige eller trinn.
• Dersom det er to eller flere piper kan du montere ei takbru mellom pipene til erstatning for to fastmonterte takstigar.  
• Takstigar skal vere godkjent i samsvar med sentral standard. Det vil si NS-EN 516, NS-EN 517, NS-INSTA 650.
• Dersom pipa er høgare enn 1,2 m over tak skal det i utgangspunktet monterast arbeidsplattform.

Eigedommar med manglande tilrettelegging for tilkomst på tak vil ikkje få utført feiing.