Det er gruppetrening for deg som er over 65 år og bur heime. Du kan gå utan hjelpemiddel inne, men opplever at balansen og styrken i beina ikkje er som før.

Hovudfokus er styrketrening for bein og balansetrening. Vi trener for det meste ståande og litt sittande. Du kan støtte deg til ein stol ved behov.

Gruppene blir leia av frivillige instruktørar som er kvalifiserte gjennom Sterk og stødig instruktørkurs. Fysioterapeut er rettleiar for instruktørane, og administrerer tilbodet i kommunen.

Meir informasjon

• Info om Sterk og stødig frå Nasjonalt senter for aldring og helse (lenke til: https://www.aldringoghelse.no/fysisk-helse/laer-mer-om-fysisk-helse/sterk-og-stodig/

Treninga er innandørs i ditt nærmiljø og du må komme deg til og frå treninga sjølv.

Det er lagt opp til kaffi og prat etter treninga. Meir informasjon om dette får du lokalt, hos den enkelte gruppe og instruktør.

Gruppene har pause i feriar.

Ta kontakt med koordinator for Sterk og stødig i Sykkylven kommune, fysioterapeut Ane Ramstad Vatsaas. 

Sterk og stødig er eit populært tilbod og vi har behov for å rekruttere fleire instruktørar. 

Vi leitar etter deg som:

• er glad i å bevege deg​.
• liker å jobbe med andre.​
• er senior eller er ledig på dagtid​.
• ønsker å leie ei treningsgruppe i lag med andre.

Som instruktør får du:

• instruktørkurs.
• hefte med øvingar. ​
• hjelp med igangsetting av gruppe​.
• vidare rettleiing av fysioterapeut​.
• førstehjelpskurs og fagleg påfyll​.
• nye vennskap.​

Vi håper at du ønsker å bli med på laget. Dersom du vil bli instruktør kan du ta kontakt med: Ane Ramstad Varsaas

• Info om Sterk og stødig frå Nasjonalt senter for aldring og helse (lenke til: https://www.aldringoghelse.no/fysisk-helse/laer-mer-om-fysisk-helse/sterk-og-stodig/ )
• Film om Sterk og stødig instruktørrolla: