Utstyrssentralen

Utstyrssentralen er eit tiltak der du kan låne utstyr knytt til ein aktivitet du veit du likar, eller til ein aktivitet som utfordrar deg til å prøve noko nytt. Sentralen inneheld det meste for å kunne vere aktiv heile året.

Målet er at fleire, og då spesielt born og unge, skal få høve til å vere fysisk aktiv, vere sosial samt oppleve aktivitetsglede i kommuna vår, og då utan å auke forbruket.

Sist endra 20.11.2024 11.16

Utstyrssentralen har flytta til nye lokaler

Utstyrssentralen har flytta til nye lokaler og held no til i kjellaren på biblioteket.

Besøksadresse er Pilgata 10, 6230 Sykkylven.

Opningstider

Måndag, onsdag og fredag frå kl. 10.00 - 16.00.

Tirsdag og torsdag frå kl. 12.00 - 19.00.

Laurdag, søndag og alle andre raude dagar er Utstyrssentralen stengt.

Kriterier for å låne utstyr

du må vere over 18 år,
ha bustadadresse i Sykkylven kommune,
ha norsk mobilnummer,
vere registrert som lånetakar ved Sykkylven bibliotek

Før du kan låne utstyr må du fylle ut eit registreringsskjema som du får ved biblioteket.

Dersom du er under 18 år og vil låne utstyr, må ein ansvarleg lånetakar over 18 år fylle ut og signere eit fullmaktsskjema.

Fullmakt for å låne utstyr for personar under 18 år

Ein person må vere over 18 år, ha bustadadresse i Sykkylven kommune, ha norsk mobilnummer, samt vere registrert som lånetaker ved biblioteket i Sykkylven for å låne utstyr frå Utstyrssentralen.

Ansvarleg lånetaker kan likevel gje samtykke til at person(ar) under 18 år kan låne utstyr i sitt namn. Ansvarleg lånetakar har då ansvar for alle lån, og at personen under 18 år har nødvendige ferdigheiter/opplæring til å bruke lånt utstyr. Lånetakar skal ha lese og stadfesta at han/ho godkjenner Standard lånevilkår for utlånsordninga til Utstyrssentralen.

Fullmakt skal fyllast ut og signerast på biblioteket innanfor opningstida.

Det er gratis å få sitt første lånekort og det er gratis og låne utstyr frå Utstyrssentralen. Lånetid er ei veke (7dagar). Personleg frammøte ved utlevering og innlevering av det du låner.
Utstyret skal leverast tilbake innan avtalt tid, og i same tilstand (med unntak av normal slitasje) som ved utlån. Alt av utstyr skal vere reint og tørt ved innlevering. Lånetakar er erstatningsansvarleg ved skade/øydelagt utstyr.

Fullmaktskjema får du ved biblioteket.

Lånevilkår

Du kan låne utstyr for 1 veke (7 dagar) i gongen og lån er gratis. Det er personleg oppmøte både ved utlån av utstyr og ved innlevering av utstyr.

Standard lånevilkår

Standard lånevilkår skal signerast av lånetakar første gong ein lånar. Lånevilkåra gjeld mellom Utstyrssentralen og lånetakar. Når du registrerar ein låneprofil i Sykkylven bibliotek sitt låneregister og nyttar deg av utlån frå Utstyressentralen godtek du vilkåra i låneavtalen.

Ansvar for lån og bruk av utstyr

Ansvarleg lånetakar må vere ein person over 18 år med fast bustadadresse i Sykkylven kommune, samt med norsk mobilnummer. Vedkomande må vere registrert som lånetakar ved Sykkylven bibliotek.

Personar under 18 år kan låne utstyr, dersom ein myndig person over 18, registrert i Utstyrssentralen/Sykkylven bibliotek sitt låneregister gjev løyve til utlån, sjå “Fullmakt for å låne utstyr for personar under 18 år”.

Dersom brukaren av utstyret er mindreårig, førast ansvarleg lånetakar (forelder/føresett) opp som lånar av utstyret, og har med dette fullt ansvar for lånet og bruken av utstyret.

Utlånsreglar

Alle som har fast bustadadresse i Sykkylven kommune, kan få lånekort. Hugs å ta med legitimasjon. Born/ungdom under 18 år må ha skriftleg løyve frå føresette til å låne utstyr, samt ha med lånekort. Alle som skal låne utstyr via Utstyrssentralen må ha med lånekort kvar gong dei skal låne. Meld frå om endring av adresse/telefonnummer/e-postadresse. Tap av lånekort skal straks meldast frå til Sykkylven bibliotek, slik det kan sperrast for utlån.

Det er gratis å få sitt første lånekort og det er gratis å låne utstyr frå Utstyrssentralen. Personar under 18 år får lånekort mot underskrift av foreldre/føresette som garanterer for at lånt utstyr vert levert tilbake.

Første lånekort er gratis, men må det erstattast kostar det kr. 10,- for å få eit nytt.

Lånetida er ei veke (7 dagar). Lånetida kan forlengast viss utstyret ikkje er reservert av anna lånar.

Føresette av lånetakar må sette seg inn i bruken av det lånte utstyret, og er ansvarleg for at all bruk skjer forskriftsmessig. Det vil seie at ansvarleg låntakar sjølv er ansvarleg for å ha nødvendig kompetanse, ferdigheiter og erfaring, evt. sertifisering til å kunne bruke utstyret som er lånt.

Ansvarleg lånetakar er pålagt bruk av sikkerheits- og verneutstyr der det er nødvendig, slik som hjelm (sykkel/ski) og redningsvest/flytevest.
Ansvarleg lånetakar er pålagt å tilpasse utstyr til lånetakar/brukar. Eit døme på dette er tilpassing av bindingar og vekt knytt til alpinski.

Utstyret skal leverast tilbake innan standard lånetid, og i same tilstand (med unntak av normal slitasje) som ved utlån. Alt av utstyr skal vere reint og tørt ved innlevering.

Lånetakar skal melde frå om noko er øydelagt eller ikkje fungerer som det skal.

Lånt utstyr vert brukt på eige ansvar, og utlånar er ikkje ansvarleg ved eventuelle skader ved bruk av lånt utstyr. Fritidsforsikring knytt til lånaren sjølv gjeld ved slike tilfelle.

Ved tjuveri eller hærverk skal dette meldast til næraste politistasjon og Sykkylven bibliotek, snarast mogeleg.

Få lånekort

Personar over 18 år må vise gyldig legitimasjon med bilete og personnummer. Personar under 18 år, må ha med ein av foreldra/føresette.

Ha alltid med lånekortet når du kjem for å låne.
Lånekortet er personleg og skal ikkje lånast vekk til andre.
Lånekortet sin eigar er ansvarleg for det som vert lånt på kortet. Foreldre/føresette er ansvarlege for det deira eige born/ungdomar låner.
Alle nye lånarar må sette seg inn i lånereglane.
Foreldre/føresette har ansvar for å rettleie barna/ungdomen slik at dei lærer å overhalde lånefristane og behandle utstyret frå Utstyrssentralen fint.