Det er eit krav at alle føretak som disponerer jordbruksareal med planteproduksjon, og som har rett til produksjonstilskot i jordbruket, skal ha gjødslingsplan, jf. forskrift om gjødslingsplanlegging. For å kunne lage gode gjødselplaner er det naudsynt å kjenne næringsinnhaldet i jorda. Det kan ein finne ved å analysere jordprøver henta frå dei ulike teigane som skal gjødslast. Nye jordprøver bør takast minst kvart 4-8. år. Gjødselplanen kan du anten lage sjølv, eller du kan kjøpe tenesta frå til dømes Landbruk Nordvest. Kommunen har jordprøvebor til utlån og små pappesker til å samle jordprøvene i.