Beitedyra er viktig for å halde utmarka open, samtidig eit viktig næringsgrunnlag for landbruksnæringa.

Har du tenkt over at beiting bidreg til god dyrevelferd, god utnyttelse av naturressursar og gir oss eit ope kulturlandskap som vi kan bevege oss i?

Vi er derfor avhengig av godt samarbeid mellom turgåaren og landbruksnæringa for å kunne oppretthalde eit ope landskap for alle, der det er plass til både den eventyrlystne og beitedyr.

I Sykkylven er det bandtvang i perioden 1. april - 30. september. (I einskilde område er det bandtvang heile året. Dette er ved friområda våre på Aursneset, Haugneset og badeplassen på Andestad. Det inkluderer også skuleområde, kyrkjegardar og idrettsanlegg, samt oppkøyrde løyper rundt Nysætervatnet).