Eit felles initiativ for alle
Gjennom heile året blir det gjort mykje godt for andre, men i Godheitsveka blir dette satt ekstra søkelys på. Bak initiativet står ei brei styringsgruppe med representantar frå Sykkylven speidargruppe, dei kommunale barnehagane, Frivilligsentralen, Heimetenestene, Den norske kyrkja, vaksenopplæringa, biblioteket og andre eldsjeler i lokalsamfunnet.
Styringsgruppa ønsker å inspirere til ei veke der vi på tvers av alder, religion, krins, lag og organisasjonar sett fokus på å glede andre og spreie godheit.
Aktivitetar gjennom veka
For å gjere det enklare for folk å delta, er det planlagt fleire aktivitetar gjennom veka. Blant anna kan ein delta på:
- Speedfriending på Sykkylven bibliotek onsdag 2. april kl. 18.00
- Dukketeateret “Den ensomme dragen” laurdag 5. april på biblioteket
- Ta med ein venn på kino - betal for ein billett, og ein venn kjem gratis inn
- Skravlekoppen - moglegheit til gode samtalar og noko å bite i
I tillegg vil skular og barnehagar bidra på sin eigen måte, og Fønix/Frivilligsentralen vil ha ekstra fokus på godheit gjennom heile veka.
Alle kan bidra
Arrangørane understrekar at alle kan vere med på Godheitsveka, enten ved å delta på aktivitetane eller ved å spreie glede på andre måtar. Eit lite smil, ei god gjerning eller ein overraskande gest kan bety mykje for nokon andre.
For meir informasjon om Godheitsveka, sjå Facebook-sida deira.
Dersom du ønsker meir informasjon, ta gjerne kontakt med ein i styringsgruppa:
Steinar Klokk - tlf. 95 97 27 27
Tove Sperre - tlf. 90 73 33 79
Aina Kvalvåg Klokk - tlf. 92 69 60 63
Arild Sporsheim - tlf. 99 62 91 30
Svein Tore Sørgård - tlf. 98 43 15 04
Helen Seth - tlf. 90 04 27 14
Amanda Andresen - tlf. 46 47 34 03
Hundaol Asnake - tlf. 98 69 07 78