Husk søknadsfristen for regionale miljøtilskot, 15. oktober Alle landbruksføretak som har rett til produksjonstilskot, kan også søkje om regionale miljøtilskot. Kommunen tek i mot, behandlar og avgjer søknader om tilskot, og svarar på spørsmål om konkrete saker. Søknadsportalen opnar 15. september og søknadsfristen er 15. oktober. For beitelag gjeld eigen søknadsfrist; 15. november. Utbetaling skjer i mars påfølgjande år. Publisert 25.09.2023 14.59 Sist endra 25.01.2024 13.56 Søknadsskjema Aktuelle tiltak ein kan søkje på i Sykkylven kommune er: Drift av bratt areal (helling 1:5 - 1:3, eller brattare). Drift av beitelag. Skjøtsel av slåttemark (slåttemark med verdi A eller B i Naturbase). Tilretelegging av fuglebiotopar (tiltaket må være godkjent av Statsforvaltaren si miljøvernavdeling). Drift av seter med mjølkeproduksjon og levering til meieri. Drift av seter med mjølkeproduksjon og eiga foredling. Skjøtsel av gravminne. Spreiing av husdyrgjødsel i vår-/vekstssesong. (Siste spreiedato: 10. august). Nedlegging av husdyrgjødsel. Nedfelling av husdygjødsel. Bruk av tilførselsslangar. Vedlikehald av fangdammer. Klimarådgjeving. Meir informasjon om ordninga og tilskotssatsar finn du: Rettleiar for regionale miljøtilskot 2023.