Nytt helsehus

I tråd med vedteken “Plan for legetenesta 2023 - 2030” har tenestene behov for betre fasilitetar og større areal. Vi må også sjå på tverrfagleg organisering av tenester. Med tanke på at helsepersonell vil bli den ressursen vi vil ha størst mangel på i åra som kjem, må ein tenke samhandling og samdrift mykje meir enn før. Det handlar om fagpersonar, tenester, betre pasientforløp og større stabilitet, kvalitet og som vil kreve at vi finn nye måtar å løyse oppgåvene framover. 

Med grunnlag i kommunestyrevedtak sak 84/23,  har kommunedirektøren starta arbeidet med prosjektering av nytt Helsehus i Uribygget. 

Helsehuset er tenkt å samlokalisere legesenter, legevakt, rus- og psykisk helseteam og heimetenestene. I tillegg vil det vere rom for tverrfagleg samarbeid innan helsetenestene.