Geiter

Produksjons- og avløysartilskot i jordbruket, del 2

Føretak som driv med vanleg jordbruksproduksjon kan sende inn del 2 av søknad om produksjonstilskot og avløysartilskot for 2022 frå og med teljedatoen, som er 1. oktober 2022. Søknaden skal sendast inn til kommunen via Altinn. Søknadsskjema finn du nedanfor: 

Produksjonstilskot i jordbruket, del 2. Søknadsskjema. 

Dersom du søkjer for første gong, tilrår vi at du tek kontakt med kommunen i god tid før søknadsfristen. Vi kan rettleie deg om søknadsprosessen og hjelpe deg med førebuingane. 

To ting må vere på plass før du skal søkje for første gong: 

• Føretaket ditt må vere registrert i Einingsregisteret (ha organisasjonsnummer) seinast innan søknadsfristen. Dette bør gjerast i god tid før søknadsomgangen startar.
• Du må ha elektronisk ID som kan brukast til å logge inn via Altinn (MinID, BankID, Buypass, Commfides eller BankID på mobil) og tilgang til å sende inn søknad på vegner av føretaket. 

I tillegg er dette viktig at: 

• Føretaket ditt er registrert med ei undereining (verksemd). Dette kan du søkje opp sjølv på nettsidene til Brønnøysundregistera.
• Alle nye søkjarar bør kontakte kommunen for å få hjelp til å knyte føretaket til ein landbrukseigedom (driftssenter) i Landbruksregisteret.

Meir informasjon om produksjonstilskot finn du på landbruksdirektoratet sine nettsider: 

Produksjonstilskot og avløysartilskot i jordbruket - Landbruksdirektoratet

Regionalt miljøprogram (RMP)

Alle føretak som har rett til produksjonstilskot, kan også søkje om regionale miljøtilskot. Kommunen tek i mot, behandlar og avgjer søknader om tilskot, og svarar på spørsmål om konkrete saker. Søknadsskjema finn du nedanfor: 

Regionale miljøtilskot (RMP). Søknadsfrist.

I Sykkylven kan du søkje på følgjande ordningar:

• Skjøtsel av bratt areal
• Slått av slåttemark
• Tilrettelegging av fuglebiotopar
• Drift av seter med mjølkeproduksjon og levering til meieri
• Drift av seter med mjølkeproduksjon og eigen foredling
• Skjøtsel av gravminne
• Vedlikehald av fangdammar
• Spreiing i vår-/vekstsesong
• Bruk av nedleggings- eller nedfellingsutstyr
• Bruk av tilførselsslangar
• Klimarådgjeving

Meir informasjon om regionale miljøtilskot finn du her: 

Regionale miljøtilskot (RMP) | Statsforvaltaren i Møre og Romsdal (statsforvalteren.no)